#طريقتي_في_تربية_أولادي
بنتي لما كبرت بقت عامله زي الآيسكريم بالظبط… بتحتاج لإهتمام عشان تفضل حلوة وجميلة. لما بشوفها زعلانه بحس أنها هتبدأ تسيح وتفقد جوهرها و طعمها الحلو.
الإهتمام ده مش بس كلام ولا دلع، ده وقت، حضن، كلمة حلوة، ونظرة بتطمنها. لما بديها ده، بتبقى أجمل وأحلى، زي الآيسكريم لما نضيف عليه شوية مكسرات مقرمشة. بيبقى لها طعم تاني، خاص، أجمل، وبتخليها مميزة عن أي آيسكريم تاني.
دي علامة إنها بتكبر، بتدخل في مرحلة تقلبات صعبة (عليها و علينا)، ومشاعرها بقت أكتر حساسية و رقة. بس اللي بيحصل ده طبيعي، لأن القلب لما يكبر، بيبقى محتاج رعاية أكتر، زي الآيسكريم بالظبط.
ليست هناك تعليقات:
إرسال تعليق