سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #التوازن_بين_العمل_والحياة #الإجازات_والراحة
فاكر أول مرة خدت أجازة بعد فترة ضغط شغل مستمرة، كنت حاسس إني عامل زي عربية ماشية على آخر نقطة بنزين، وكل يوم كنت بقول لنفسي "هشد حيلك شوية كمان"، لحد ما وصلت لمرحلة بقيت مش قادر أركز، ولا أسمع كويس، ولا حتى أتكلم من غير ما أعصب.
لما أخدت الأجازة، حتى لو كانت أسبوع بس، حسّيت الفرق فورًا. نمت بعمق، اتفسحت، قضيت وقت مع الناس اللي بحبهم، قريت كتاب كنت مأجّله بقاله شهور، وكل ده ساعدني أرجع شغلي وأنا نشيط، ومخّي صافي، وقلبي خفيف.
كنت ملاحظ إزاي بعد الأجازة بقيت بحل مشاكل أسرع، وبرد بهدوء، وباخد قرارات أنضج. الإنتاجية زادت، والإبداع رجع، حتى زمايلي لاحظوا الفرق. كأن الجهاز اللي كان بيهنج، اتعمله ريستارت.
اللي اتعلمته؟ إن الراحة مش رفاهية، ولا ضعف. دي وقفة محارب، بيرجع منها أقوى وأوضح. الأجازة مش بتاخدك من شغلك، الأجازة بترجعكله بطاقة أعلى، وتركيز أعمق.
كل موظف لازم يعرف إمتى يوقف، عشان يعرف يكمل. الأجازة مش كسل، دي جزء من الخطة.
خد أجازتك، وارجع تاني تنور مكانك.
المقالات هتنزل على صفحتي في لينكدان
https://www.linkedin.com/in/amr-elnashar/
و على صفحتي في الفيسبوك
https://www.facebook.com/amr.adel.elnashar
و كمان هتكون موجوده في البلوج الشخصي
ليست هناك تعليقات:
إرسال تعليق