سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف#الإدارة_والقيادة#الإدارة_والتنظيم
أوقات كان تنظيم الوقت هو المفتاح عشان أقدر أنجز المهام المطلوبة مني، خصوصًا لما تكون الأيام زحمة بالشغل والطلبات. في البداية، كنت بحط جدول يومي واضح، وأرتب المهام حسب أولويتها: يعني اللي ليه علاقة بالمرضى أو الأدوية الحساسة لازم يكون في أول القائمة.
كنت بحاول دايمًا أستغل الوقت الميت أو الفواصل الصغيرة، زي لما يكون فيه وقت انتظار أثناء تحضير دواء معين، في إنجاز مهام أبسط زي متابعة البريد الإلكتروني أو مراجعة الطلبات الجديدة. كمان، كنت دايمًا أسأل نفسي سؤال: "إيه المهمة اللي لو ما عملتهاش حالًا ممكن تتسبب في تأخير كبير أو مشكلة؟" وده كان بيساعدني أركز على الأهم الأول.
التعاون مع الزملاء كان له دور كبير. لما الضغط يزيد، كنا بنوزع الشغل بشكل جماعي عشان نخفف الحمل على كل واحد. ولما تخلص المهام اللي ليها أولوية، كنت ببص على الحاجات اللي ممكن تتأجل لآخ اليوم أو لوقت أقل زحمة.
كنت بحاول أسيب وقت بسيط في نهاية اليوم أراجع فيه شغلي وأتأكد إن كل حاجة مظبوطة، عشان لو فيه أي خطأ أو نقص ألحق أتعامل معاه قبل ما يأثر على سير العمل. تنظيم الوقت مش بس بيقلل التوتر، لكنه كمان بيدي إحساس بالإنجاز في نهاية اليوم.
المقالات هتنزل على صفحتي في لينكدان
https://www.linkedin.com/in/amr-elnashar/
و على صفحتي في الفيسبوك
https://www.facebook.com/amr.adel.elnashar
و كمان هتكون موجوده في البلوج الشخصي
https://amradelelnashar.blogspot.com/
ليست هناك تعليقات:
إرسال تعليق