سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #التخطيط_والتنظيم #إدارة_الوقت
كنت فاكر في الأول إن اللي بيشتغل أكتر هو اللي بينجح أسرع. كنت بدخل في كل حاجة، أجري وراء كل تفصيلة، وأشتغل بالساعات… بس بعد فترة بدأت أحس إني بتعب من غير نتيجة، وإن مجهودي بيتبعتر، وكل ما أخلّص حاجة ألاقي حاجتين وراها مستنيين.
ساعتها بدأت أراجع نفسي… هو أنا بشتغل كتير؟ آه. بس هل بشتغل صح؟ لأ.
ومن هنا بدأت أتعلم يعني إيه تخطيط… يعني قبل ما أبدأ يومي، أقعد مع نفسي 5 دقايق وأقول: إيه الأولويات؟ إيه اللي لازم يتعمل؟ وإيه اللي ممكن يستنى؟ ومش بس كده، بقيت أسيب مساحة في اليوم للحاجات اللي بتظهر فجأة، علشان ما أتخنقش.
اللي فرّق بجد؟ إني بقيت أخلّي الشغل يخدم وقتي، مش وقتي هو اللي يضيع في الشغل. بقيت أعرف إمتى أقول: لأ، وإمتى أطلب مساعدة، وإمتى أخلّص حاجة على مرتين بدل ما أضغط نفسي أخلصها في مرة وأغلط.
والأهم؟ بقيت براجع يومي آخر اليوم… مش علشان ألوم نفسي، بس علشان أتعلم: إيه اللي نجح؟ وإيه اللي محتاج يتظبط بكرة؟
إدارة الوقت مش جدول وتمبلت… دي مهارة، وأنا تعلمتها من كتر ما وقعت. ولما بدأت أطبّقها، بقيت ألحق أشتغل وأتطور… وأعيش كمان.
المقالات هتنزل على صفحتي في لينكدان
https://www.linkedin.com/in/amr-elnashar/
و على صفحتي في الفيسبوك
https://www.facebook.com/amr.adel.elnashar
و كمان هتكون موجوده في البلوج الشخصي
ليست هناك تعليقات:
إرسال تعليق