سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #النمو_المهني #التطور_الشخصي
اكتشفت بدري إنّك لو استنيت حد يعلّمك كل حاجة، عمرك ما هتسبق. الشغل بيعلم، آه، بس التعليم اللي بييجي منك إنت ليك، هو اللي بيغيّر اللعبة كلها.
أنا بدأت أدوّر، أقرأ، أتفرج على فيديوهات، آخد كورسات حتى لو مش مطلوبة منّي. كنت بسأل كتير، ووقت ما الكل يروح، أنا كنت أقعد أذاكر سيستم جديد أو أفهم تقرير معقد.
مكنتش بعمل ده عشان أبان، كنت بعمله عشان أكون جاهز. المدير لما طلب حاجة ماكنتش من تخصصي، قلتله أنا ممكن أجرّب، وساعتها فجّرت طاقة جديدة جوايا، فتحتلي باب جديد في الكارير بتاعي.
التعلُّم الذاتي خلاني أوسع دائرة فهمي، وأبقى مطلوب مش عشان مكاني، لكن عشان قدراتي. خدها قاعدة: اللي بيعتمد بس على اللي اتعلمه في الجامعة أو اللي الشركة بتوفره، هيفضل محدود. لكن اللي بيعلم نفسه، هو اللي سابق، و جاهز.
أنا اتطورت، مش عشان الفرص كانت متاحة، لكن عشان أنا كنت بسعى، وبنيت لنفسي سكة فيها معرفة بتكبر كل يوم.
المقالات هتنزل على صفحتي في لينكدان
https://www.linkedin.com/in/amr-elnashar/
و على صفحتي في الفيسبوك
https://www.facebook.com/amr.adel.elnashar
و كمان هتكون موجوده في البلوج الشخصي
ليست هناك تعليقات:
إرسال تعليق