سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #النمو_المهني #التطور_الشخصي
زمان، كان عندي طموح كبير… طموح مش بيتكلم ولا بيزعّق، لكن ساكت وبيتحرك بخطوات محسوبة. كنت شايف نفسي في أماكن أكبر، وبدور على فرص أوسع، وبسعى أكون في حتة متقدمة. بس الحقيقة؟ الطريق ده عمره ما كان سريع، وكان محتاج صبر… صبر طويل بمعنى الكلمة.
كنت كل شوية أشوف ناس تاخد فرص أنا كنت مستنيها. في لحظات كنت بحس بالإحباط، بس ماكنتش بسيب الإحساس ده يعطلني. كنت أقول لنفسي: الفرق بين الحالم والناجح هو إن الناجح استنى، واشتغل، وبنى نفسه في الوقت اللي غيره كان بيقارن بس.
الطموح علمني أشتغل على نفسي، أتعلم أكتر، أوسع علاقاتي، أكون مستعد في أي لحظة. والصبر علمني أهدئ، وأفهم إن كل حاجة بتيجي في وقتها… وإن اللي بييجي بسرعة بيروح أسرع.
كنت بشتغل وكأني هاخد هكبر بكرا، وبصبر وكأني مستنيها بعد سنة. والمعادلة دي ماكنتش سهلة، بس كانت فعّالة.
اللي اتعلمته؟ إن الطموح من غير صبر اسمه استعجال، والصبر من غير طموح اسمه استسلام. لكن الاتنين مع بعض؟ همّا اللي بيبنوا رحلة حقيقية، بثبات وقيمة.
المقالات هتنزل على صفحتي في لينكدان
https://www.linkedin.com/in/amr-elnashar/
و على صفحتي في الفيسبوك
https://www.facebook.com/amr.adel.elnashar
و كمان هتكون موجوده في البلوج الشخصي
ليست هناك تعليقات:
إرسال تعليق