سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #الإدارة_والقيادة #القيادة_والإلهام
دائما كنت دايمًا شايف إن جو العمل بيأثر بشكل كبيرعلى إنتاجية الفريق وحالتهم النفسية. كنت بحاول دائمًا أخلق بيئة إيجابية تبقى مريحة ومحفزة للشغل. الموضوع مش بيحتاج مجهود خرافي، بس شوية تصرفات بسيطة ممكن تعمل فرق كبير.
أول حاجة كنت بحرص عليها هي الاحترام بين كل الزملاء. لما كنت بشوف أي نقاش سخن شوية، كنت بتدخل بهدوء وأحاول أخلي الموضوع يتناقش بأسلوب محترم ومن غير توتر. ده كان بيخلي الناس تحس إنها في مكان آمن تقدر تعبر فيه عن رأيها من غير ما تخاف.
تاني حاجة، كنت بشجع فكرة الاحتفال بالنجاحات، حتى لو كانت صغيرة. يعني لو حد أنجز حاجة كويسة، كنت بجيب حاجة بسيطة زي شوكولاتة أو حتى كلمة شكر. الحاجات دي كانت بتدي دافع للناس إنها تكمل بحماس.
كمان، كنت بحاول أدي فرصة لكل حد يعبرعن أفكاره. ساعات كنت ألاحظ إن فيه زميل بيبقى ساكت في الاجتماعات، فكنت أطلب رأيه بطريقة مش مباشرة، زي: "إيه رأيك في اللي اتقال؟" ده كان بيخلي الكل يحس إنه جزء من الفريق وصوته مسموع.
و كمان كنت بحاول دايمًا أكون قدوة في التعامل مع الضغوط. لما الأمور تتعقد، كنت بحافظ على هدوئي قدام الكل وأقول: "هنحلها مع بعض." ده كان بيطمن الفريق وبيخليهم يواجهوا التحديات بروح إيجابية.
بيئة العمل الإيجابية مش بس بتساعد على تحسين الأداء، لكنها كمان بتخلق جو صحي يخلي الناس تشتغل بحب وراحة نفسية.
المقالات هتنزل على صفحتي في لينكدان
https://www.linkedin.com/in/amr-elnashar/
و على صفحتي في الفيسبوك
https://www.facebook.com/amr.adel.elnashar
و كمان هتكون موجوده في البلوج الشخصي
https://amradelelnashar.blogspot.com/
ليست هناك تعليقات:
إرسال تعليق