سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #الإبداع_والابتكار #التكنولوجيا_في_العمل
في يوم من الأيام، كنت شغال على مشروع مهم جدًا، وفجأة واجهنا مشكلة تقنية كبيرة في النظام اللي كنا شغالين عليه. النظام ده كان متوقف فجأة، وكل المحاولات لإصلاحه باءت بالفشل. كان ضغط الوقت عالى ، وكان لازم نخلص المشروع في الموعد المحدد.
في البداية، كان في شوية إحباط، لأن المشكلة كانت معقدة ومش سهل حلها. لكن قررت إني مش هسيبها، فبدأت أبحث أكتر في التفاصيل وأعمل تجارب على النظام باستخدام أدوات تانية. بعد فترة من البحث والمراجعة، لقيت طريقة غير تقليدية لاستخدام ميزة موجودة في النظام لتجاوز المشكلة (مؤقتا).
الحل ده كان بسيط لكن فعّال، وكان ليه تأثير كبير على سير العمل، لأننا قدرنا نكمل المشروع في الوقت المحدد من غير ما نتأخر. التجربة دي علمتني إن التحديات التقنية ممكن تتحل بأفكار بسيطة، وإن التفكير المبدع خارج الصندوق ممكن يكون هو الحل الأمثل.
المقالات هتنزل على صفحتي في لينكدان
https://www.linkedin.com/in/amr-elnashar/
و على صفحتي في الفيسبوك
https://www.facebook.com/amr.adel.elnashar
و كمان هتكون موجوده في البلوج الشخصي
https://amradelelnashar.blogspot.com/
ليست هناك تعليقات:
إرسال تعليق