حدوته حزينة لواحده خبيثة

 

بنت عايشة مع أب مفتري، عامل نفسه شديد و نافخ نفسه عليها و على أمها و أختها. إتعلمت مع الوقت طريقة فريدة (في فكرها) علشان تقدر تروضه. طريقة بتخليه يجي لحد عندها و يهبط و يركع. لدرجة أنه ممكن يبيع الدنيا كلها لعيونها.

طريقتها خبيثة جدا إستخدمتها في حياتها كلها تقريبا و مع كل الناس إلي حواليها. عملت إيه معاه، قعدت تدور و تفتش و تكتشف و تشوف الغلطات و سقطات اللسان لحد ما عرفت سر (مش خطير ولا حاجه) بس إستغلته و كبرته و عملت عليه الكماشه. قالتله أنا مش شايفاك غلطان، أنا عارفه إحتياجاتك، أنا مخزن أسرارك. طبعا حبها و حب الكلام معاها و عرفت تخلي المفتري ينزل على ركبه.

دارت بها الأيام (و طريقتها الخبيثة لفت على رقبتها) و قالت أتجوز، دورت على ولد يكون شبه أبوها جدا و مفتري زيه. و قالت في نفسها أنا عرفت قبل كدا يبقى أكيد هعرف تاني، ما الرجاله زي بعضها. بس الولد مش بيغلط، طب تعمل إيه. وقعته في الغلط بس إللي مش عارفاه إنها هي كمان وقعت في الغلط.

الولد إتعلق بها و حارب علشانها و لما إتجوزو عملت عليه كماشه. إتمنعت و إستمرضت و جرجرته للغلط تاني. و بعدها رفضت الغلط و عملت خناقه كبيره و غضبت. راحت للتنين المستأنس بتاعها، حكيتله على غلطات الولد و إتفقت معاه تعمله فضيحة. الولد مهتمش و أهله معتبروهاش فضيحه و قالوا شاب متهور و بكرا يعرف غلطه.

هي كدا معرفتش تركعه و لا عرفت تنزله على ركبه، طب تعمل إيه. قالت خلاص أزود الفضيحه بفضيحة تانيه، و قالت كلام مكذوب (علشان تعمل شوشرة و خلاص) بس ساعتها الولد إتكلم و قال على كل حاجه بينهم من زمان، و جاب الشات و الفويسات و شوية حاجات كمان.

الفضيحه بقت عليها و التنين بتاعها بلع ناره و نزل رأسه على رجليه، بس الغريب أنه قال في نفسه أخيرا هاخد حقي منها. فرصه و جايه لحد عندي، أنتقم منها. أركعها أمامي و أشوفها و هي في حالي. و عمل نفسه حامي الحمى (بالتمثيل) و طلع سيفه و قال أبارز الولد على فضيحة بنتي.

بس الولد مسبلوش أي فرصه و حكى فضايحها للكل، الأصحاب و إللي مش أصحاب، في الشارع و على القهوة و للبواب و كمان لشيخ الجامع إللي جنبهم. و خلاه يبارز الكل. البنت قالت خلاص مش عاوزه أكمل و الولد قال نأخذ فرصة تانيه، فضيحه بس في نفس الوقت في بيتها، ما أنا راضي و هي راضيه. قالت نقعد نتفق، وفي الإتفاق عملت مقدمه للكلام بحكي كل اللي فات، الولد كمان قال كل الكلام، و القعدة إنفجرت فيها ماسورة فضائح. و إنتهت الحرب بالإنفصال التام. 

الولد خسر شوية فلوس سهل ترجع من تاني، بس البنت خسرت كل حاجه، إللي بنته و إللي حاولت تبنيه، و التنين رجع من تاني، بس المره ده مش هيرجع بناره، هيرجع بنار عيون و ألسنة كل إللي كان بيبارزهم. هياخذها و يلفها عليها و جه دورها تتحط في الكماشه و تتربط بنار خباثتها. تفتكرو هيعمل إيه ...

شوية و نكمل .....

الطفل أب لرجل و الطفلة أم لإمرأة

 

بعض من علماء النفس التربوين اوجدوا علاقة بين مراحل تطور شخصية الطفل و مدلولات نضجها. و إستطاعوا استنتاج بعض الانطباعات التي تُطبع في نفسية الأطفال أثناء الطفولة فيكون لها مردود نفسي وقت النضج و الإستقرار النفسي (او وقت حدوث الامراض النفسية).

و من أمثلة هذه العلاقات، ان منخفضي التحكم في انفسهم كانوا يظهرون مشكلات اكثر في التعاون مع التقدم في العمر، و مرتفعين في مشاعرهم السلبية، و مرتبطون و متورطون اكثر في عالم ملئ بالصراعات سواء المنزلية او المدرسية او حتى العملية، و كانوا يميلون أكثر لعالم الجرائم.

و قد قسموا شخصيات الاطفال (و بالتالي البالغين) الى خمس انواع: الطفل الجيد و هو المتحكم في نفسه، و الطفل المندفع صاحب القلق و العناد و التشتت، و الطفل المنسحب اجتماعيا، و الطفل الواثق في نفسه صاحب القدرة على الإكتشاف و لكنه قليل المثابرة، و الأخير هو الطفل المحافظ اي الخجول و لكنه عالي المثابر.

 

و وجدوا ان الاطفال المنسحبون أجتماعيا، و الخائفون من العلاقات الاجتماعية العامة، و الذين ينزعجون بشدة من التكلم مع الغرباء، هم اكثر من يكون لديهم ميول حادة للإكتئاب، و اقل اندماجا في العلاقات التي تتطلب استمرارا و التزاما.

و الغريب انهم وجدوا ان هذه الجوانب السلبية في الشخصية تستمر لمدة اطول عند الاطفال الذكور عن الإناث، فالمرونه في التغير لدى الذكور تعتبر اقل بدرجة ملحوظه عن الإناث. 

الفكره هنا ان الأبوة و الأمومة هي عبارة عن انطباعات موجوده في شخصية الطفل منذ ولادته، و دور الاب و الأم هو القدرة على معرفتها و محاولة تعديلها ليصبح طفلهم اكثر تأقلما مع نفسه و بالتالي تتحقق سعادتة.

كتاب بيخلص

لما الواحد بيقرأ كتاب ورقي بيكون عارف هو واقف فين و عارف فاضل كام صفحة و يخلص الكتاب. و بالتالي في كل مرة هيكون عارف أو حتى متوقع معاد النهاية . بيكون عامل حسابه عليها و مجهز نفسه لها .

لكن في الكتب الإلكترونية بيكون الموضوع مختلف شوية . الواحد بيقعد يقرأ و ينغمس داخل بحر الكلام . بيقرأ و يفهم و يترجم و يتخيل ، صفحة تخلص ورا صفحة تانية . مفيش أي إحساس بالوقت . 

و فجأة تحدث النهاية . فجأة تلاقي الكتاب خلص . حقيقي في شعور غريب جدا من الحزن تلاقي نفسك دخلت فيه . الكتاب خلص ، طب أنا لسه مأخذتش منه إللى أنا عاوزه أو منتظره منه . خلص خلاص ، شعور يشبه الإبتعاد ، التعلق الشديد ، و الغربه . تقعد تكلم نفسك طب هعمل إيه دلوقتي ، أجيب كتاب تاني حلو زيه إزاي . لسه هبدأ كتاب تاني من بدايته و أبني معاه جسور تواصل و أفهم كلامه و أفسر أسلوبه . الموضوع بيأخذ وقت و جهد . هو الواحد ممكن يتعلق بكتاب كدا .

حقيقي القراءة الإلكترونية مختلفه تماما عن الورقية . 

النيتروجين ... حياة و موت

 

يعتبر النيتروجين واحد من أكثر المواد إنتشارا في الطبيعة، فهو يدخل في تركيب كل شيء تقريبا. يحتوي الهواء الذي نتنفسه على نسبة أكثر من 75% نيتروجين غاز و لكنه في الصورة الخاملة.

إنما في الأرض و بداخل التربة فالنيتروجين يكون في صورة أكثر تعقيدا و لا يستطيع النبات إمتصاصه مع أنه يمثل حياته، فلو نقص النيتروجين سيتوقف نمو النبات، لذلك يحتاج النبات لمساعدة من الميكروبات التي تستطيع تكسيره لصورة سهل إمتصاصها. و يعتبر أقل تركيز مسموح به للنبات هو التركيز الذي يساعد النبات على أن يكتمل نموه كله و تخرج جميع أوراقه بطريقة سليمة و يرتفع ساقه لأعلى إرتفاع ممكن. و نتيجة التقليب المستمر للأرض فإن هذه الميكروبات تموت و لذلك نحتاج إلى تسميد النيتروجين عند كل فترة زراعية، و انصح بألا تقلب الأرض الزراعية أبدا إلا لعلاج الأمراض فقط.

توجد صور عديدة للنيتروجين سواء العضوي او الغير عضوي و تعتبر أشهر الصور الغير عضوية هي صورة النيترات السالبة الشحنة و الأمونيا الموجبة الشحنة. و تعتبر استخداماتهم تقريبا متشابهة و الاختلاف الوحيد هو الماده المكملة للشحنة كمادة الكلور السالبة او الفوسفات السالب او كالسيوم و الماغسيوم و البوتاسيوم الموجبين.

تعتبر اليوريا هي الصورة الأشهر للنيتروجين العضوي و هي الصورة المثلى للنبات لإمتصاص النيتروجين للحفاظ على حياته و الغريب في الموضوع أن اليوريا نفسها تعتبر مادة سامة تميت الإنسان و الحيوان إذا إرتفع تركيزها في دمائهم.

طبعا تنوع شكل التسميد بين العضوي و الغير عضوي يعتبر حل مثالي و فعال لإضافة التوازن داخل التربة من جميع العناصر ليعتمد عليها النمو و التوريق و الإثمار و نضج الفاكهة.

توجد حكمة أخرى وراء توازن النيتروجين في التربة، انه يجب تثبيته في التربة ثم تحويل جزء كبير منه الى غاز من جديد لإعادته للهواء ليتنفسه الإنسان و الحيوان.

تاتو سرطاني مخصوص

 

تخيل معايا أن الطب إستطاع فهم طبيعة السرطان و إستطاع القضاء عليه تماما. و الأصعب من كدا في التخيل أن الطب إستطاع زراعة بعض الأنواع السرطانية المعدلة لتسهيل الحياة أو إعطائها بعض الحيوية.

تخيل أنه يمكن زراعة نوع سرطان يعمل لإنتاج هرمون معين، زي مثلا هرمون التستوستيرون عند الرجال. يعني تلاقي الرجال بيزرعوه علشان يزداد عندهم الهرمون فتكون عضلاته أقوى و معدل إحتماله يزداد. و كمان تلاقي السيدات تزرع السرطان المنتج للهرمونات الأنثوية فتزاد جمالا و رشاقه.

كدا الشركات هيكون بينها تنافس لإنتاج سرطانات نقية و لها معدل إنتاج عالي. و علشان الشركات تحافظ على ملكياتها من السرطانات هتكون محتاجه لوجو لنفسها ترسمه - كتاتو - على السرطان من الخارج. 

و لكن يبقى السؤال المحير، هل التاتو هيترسم قبل عملية الزرع و لا هحتاج أفتح الجرح تاني علشان أستنى السرطان يوصل لحجمه النهائي و أطبع عليه التاتو المخصوص بتاعي.

السعادة الزوجية صنعة

هل يمكن أن تكون السعادة الزوجية شعور مطلق، يعني أكون سعيدا لأني أريد أن أكون سعيدا. هل نستيقظ صباحا لنجد السعادة مرافقا. أعتقد أن الإجابة هي لا. السعادة ليست شعور مطلق و لا شعور يفرض و لكنه شعور يجب أن تجتهد في صناعته.

مفتاح صناعة السعادة الزوجية يكون في التقبل أولا ثم المشاركة و التعاطف و تبادل الأدوار. نحن جميعا بشر، فنستيقظ صباحا براحئة فم كريهة و شعر منكوش و مبعثرون و متعرقون و نحتاج لوقت لإدراك ما حولنا. و أقصد بجميعا الرجال و النساء. فإترك بعض المساحة لشريكك.

لتكون سعيدا في زواجك ستحتاج إلى مرونة في إدراك الحالة النفسية لنفسك و لشريك حياتك. نعم أنت إنسان مستقل و ستظل مستقلا حتى لو تشاركت في زواج. و أنت لست أقل من شريكك و أنك تحيا بحياته و تموت بفراقه. الزواج إختيار و قرار بشروط، لا إفناء حياة في سبيل خدمة حياة أخرى.

الإمتنان و الشكر على المفروض و على غير المفروض مشاعر يجب أن توضع في الإعتبار. فتشكرها على صنعة طعام و تشكرك على ترتيب المائدة. نعم إنها مشاعر تنتهي في دقائق و لكنها لا تفنى للعدم. فرصيد الإمتنان و الشكر يجب أن يظل عاليا.

إنها سلسلة لا منتهية من الأفعال و ردود الأفعال. سلسلة من إنعكاسات و ليست المعاكسات. يقول غاري تشابمان أن لغات الحب خمسه و أنا أقول له لكي تسعد في زواجك فلغات حبك عليها أن تزيد عن الخمسه.