#شغل_سرطان
في طريقة كده بتستخدمها حكومات كتير وشركات تأمين صحّي علشان تحدد هتوفّر علاج ولا لأ، والطريقة دي بتعتمد على حساب تكلفة كل سنة زيادة في عمر المريض بسبب علاج جديد. بس مش بس كده، هما كمان بيحسبوا جودة الحياة في السنة دي.
يعني إيه جودة الحياة؟
يعني المريض مش بس يعيش، لأ كمان يقدر يعتمد على نفسه، يشتغل، ينتج، يعيش طبيعي من غير ما يكون عبء على اللي حواليه.
يعني مثلاً لو فيه علاج كيماوي جديد بيزود عمر المريض سنة، بس السنة دي المريض مش هيقدر يعيش فيها حياة طبيعية وجودة حياته فيها ٥٠٪، فهنا بنقول إن قيمة السنة دي هي نص (٠.٥) مش واحد كامل.
الفكرة من المقياس ده إنهم يقدروا يقارنوا ما بين العلاجات المختلفة ويشوفوا أنهي أحسن.
يعني لو فيه علاج كيماوي رخيص بيزود العمر ٣ شهور بس، هل هو فعلاً أحسن من جراحة أو إشعاع غالي؟
ممكن الجراحة تبقى غالية، بس المريض بعدها يرجع لحياته بسرعة ويعيش كأنه ماكانش تعبان، فيكون العائد أكبر حتى لو التكلفة أعلى.
لما نحسبها صح، ممكن نلاقي إن العلاج الغالي أحسن لما نوزع تمنه على عدد سنين الحياة اللي بيديه للمريض وجودة الحياة في السنين دي.
و يبقى الأمل ...
ليست هناك تعليقات:
إرسال تعليق