سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #النمو_المهني #التطور_الشخصي
ماكنتش متخيل إن الشغل هيغيّرني كده. كنت داخل وأنا شايفه مجرد وسيلة أعيش بيها، أدفع فواتيري، وابقى مستقر. لكن اللي حصل كان أكبر من كده بكتير… الشغل علّمني عن نفسي حاجات عمري ما كنت هكتشفها وأنا قاعد في مكاني.
في الشغل، اتعلمت أتحمّل. اتعلمت إزاي أتعامل مع شخصيات صعبة، واتعلمت إن مش كل حاجة لازم تمشي زي ما أنا عايز. كنت بواجه ضغط، توتر، تحديات، ومواقف ساعات تخلي الواحد يفكر يسيب كل حاجة ويمشي… بس كنت دائما أكمّل، وأثبت لنفسي قبل غيري إني قدّها.
الشغل علّمني الالتزام، علّمني أنظم وقتي، أرتب أولوياتي، وأفكر بشكل عملي مش عاطفي. خلاني أعرف قيمة الكلمة، وقيمة الصبر، وقيمة الإنجاز حتى لو بسيط.
ومع الوقت، بقيت أشوف إن كل موقف صعب مريت بيه خلاني أقوى، وكل تحدي واجهته زوّدني نُضج. اتغيّرت… للأحسن. كبرت… من جوا.
فاللي فاكر إن الشغل بس عشان الفلوس؟ لأ… ده كمان مصنع بيشكّلك، بينحت فيك، وبيطلّع نسخة أنضج وأصلب منّك.
المقالات هتنزل على صفحتي في لينكدان
https://www.linkedin.com/in/amr-elnashar/
و على صفحتي في الفيسبوك
https://www.facebook.com/amr.adel.elnashar
و كمان هتكون موجوده في البلوج الشخصي
ليست هناك تعليقات:
إرسال تعليق