صناعة الذكريات

من وجهة نظري ، إن السعاده و التعاسه مشاعر تكمن في الذكريات . لو عندي ذكريات جميله هكون سعيد ، و لو ذكريات مؤلمه هكون تعيس

دور الأب و الأم إنهم يصنعوا لأولادهم ذكريات ، طبعا تكون سعيده . لأنها هتبقى أساس تكوين شخصياتهم . ذكريات عن التعاون ، عن التماسك ، عن التقبل ، عن التشجيع ، عن الفرح ، عن المشاركه

الأطفال بيبقوا نسخ مكرره من نفسيات الأب و الأم . فعلشان نصنع ذكريات سعيده لهم ، محتاجين الأول نعرف نصنع لنفسنا ذكريات سعيده . نعرف نعيش واقع سعيد و مشاكله محلوله

التعليم ... البساطه و الملاحظة

في عندنا نوعين من العلوم ، العلوم البسيطه التي لها مبادئ تعليميه ماديه زي الرياضيات و علوم معقده أكثر و من غير قواعد و مبادئ زي العلوم الطبيعية و الإنسانية و الأخلاقية

تعليم العلوم للأطفال محتاج تربية عقليه مخصوصة لإدخال أفكار يفهمها عقلهم و يدركها حسهم و من الضروري أن يحس الطفل بالتركيب الحقيقي للأشياء فيقدر يبني لها هدف تديستند عليه وعيهم و ذاكرتهم

و الحقيقه بأن العلوم المادية زي الرياضيات هي علوم بسيطة لأنها تعتمد على الفهم و الإستدلال ، إنما العلوم الطبيعية و الأخلاقية تحتاج لبناء عقلي من نوع آخر يعتمد على الملاحظه و المقارنه و الرجوع إلي الأصول و التاريخ

و كمان لازم يكون التقليد هو العامل الحاسم في عملية التعليم الأخلاقي يعني القدوة الحسنة هتلعب الدور الأكبر في التعليم

ميكانيكية حلزونية صامته

العمليات الحيوية داخل الزرع عبارة عن توازنات و مقايضات بتحصل يوميا نتيجة توافر أو نقص المواد الأساسية. بس الأهم للزرع هو الماء ، فهو روحه و حياته. المشكله في الماء هي طريق حركة الماء داخل الزرعه. لو حصل حاجه علطول الزرع هيموت و علشان كدا العامل الأخطر هو الماء. هنا الزرع بيهتم بكمية الماء الداخلية و كمان بالطريقة إلي هينقله بها علشان ميخسرش و لا يموت

التوازن الصعب للزرع أنه يقرر من الأهم بالنسبه له، صرف ما يملك من طاقة للتحكم في الضغط الداخلي لتوصيل الماء من أسفل لأعلى أو صرفهم على تصليح الأوعية المائية المجهده و المتشققه و المحتاجه لإعادة تكوين أو دعم

دي مشكلة حقيقية بالنسبة للنباتات و خاصة في ظل محدودية الطاقة و علشان الزرع ميقعش فيها و يقدر يوازن بين إحتياجه للماء و إحتياجه للترميم و إعادة التكوين، أصبح فيه بعض الحلول الميكانيكية إعتمد عليها للمحافظه و التوازن

النبات بيقدر يتحكم في سمك الوعاء المائي الناقل للماء يعني سمكه بيكون رفيع جدا في الساق و بيزداد سمكه في الأوراق فالماء يتحرك لأعلى بطريقة أسرع. و كمان الوعاء المائي مغطى من الداخل بطبقة من السليلوز إلي بتخلي جزيئات الماء تلزق في بعضها و ميدخلش بينهم هواء

مشكله الوعاء المائي الرفيع أن النبات سيحتاج منه عدد كبير جدا لتوصيل كمية الماء الممتصة فالحل أنه يكون فيه أوعية مائية سميكة بس بكون عددها قليل فيقدر من خلالها تخزين كمية من الماء و بالتالي التحكم في الضغط داخل الأوعية المائية كلها

الفكره الميكانيكية الثانية هي أن الوعاء المائي يكون طوله قصير أولا لتسهيل عملية إستبداله أو تصليحه و ثانيا يكون متكامل بفتحات بإتجاه واحد مع الأوعية الأخرى لتتحرك الماء بسهوله بين الأوعية

و الجميل في الموضوع أن الأوعية بتكون مترتبة بطريقة عجيبه جدا ، تلاقي كل ثلاثة أوعية متلاصقة مع بعضها و يكون واحد منهم هو المصب ، فيتلاقى مع أوعية أخرى و تتحرك الماء إليهم عند الأطراف بطريقة تبادلية عجيبة

و الأجمل من كل دا هو أن الشكل النهائي للخطوط لا تكون مستقيمه و لكنها بشكل حلزوني غريب. و دا علشان ميحصلش فقد في الضغط الداخلي لو تحرك النبات مع الهواء

الليالي الأولى

كانت الليالي الأولى للعلاجات الكيماوية من أكثر الفترات صعوبه عليها . كانت تستيقظ في المساء وحدها و تنهض لتتسلل بهدوء شديد ناحية الحمام نظرا لشعورها بالغثيان

وكانت تشعر بالضعف و الهذل لدرجة أنها تستلقي على بساط الحمام لفترة طويلة قبل أن تعود للنوم في سريرها . ثم في الصباح تشعر بأنها أفضل قليلا مع هدوء معدتها و لكنها ترفض الأكل و الشرب و تفضل إستقرار حالها

مرت ثلاث أسابيع و هي حبيسة المنزل لا تتذكر أنها فعلت أي شئ سوا الجلوس في الهدوء و محاولة النوم مع مقاومة شعور الغثيان المستمر و لا تتذكر أنها قد فعلت أي شيئ للإحتفال أو للترويح عن نفسها . ثم عادت لتجهز نفسها لتأخذ الجرعة الكيماوية الثانيه

و تكرر الأمر حتى وصلنا للمره السادسه و الأخيره فسألت نفسها و هي في طريقها للمستشفى، كيف يتحول ما لا يمكن تصوره إلى أمر روتيني بمثل هذه السرعه . و على الرغم من تقبلها الكامل لهذا المرض و تعودها على صعابه و إستطاعتها الخروج من دائرة الكيماوي إلا أنها مازات متشككه ولا تستطيع النوم، و تسأل نفسها كل يوم هل حقا إنتهى

و يبقى الأمل

زواج المقايضه و الحل تسديد قيمة الفرق

في كثير من الأحوال يتزوج رجل و إمرأة بينهم فروق كبيرة طمعا في المال أو السلطة و ليس في تكوين الأسرة و إيجاد حياة هادئه

كأن يكون بينهم فرق في العمر كبير أو فرق جمال واضح أو فرق حسب و نسب أو حتى فرق شهرة و يستغل الطرف الأقوى قلة حيلة و عيوب الطرف الأضعف في الضغط عليه و الحل هو الرضا و الطاعة و تسديد قيمة الفرق بمقايضة زوجية

زواج المقايضه هو زواج طمع ، مبني على سد العيب و العجز بمقابل إما بالمال أو بالحرية . زواج منفعه و إضطرار و حاجه . دائما يزداد فيه الألم و المراره للطرف المستَغَل

هذا الزواج يعتبر منتهي قبل أن يبدأ

الرضا

 

الرضا ، صفه نابعه من الإحساس بالكمال ، هي موازنه بين إلي محتاجه و إلي أقدر أجيبه . الرضا صفه وسط بين التبذير و البخل . وكمان وسط بين القيمة و التكلفه . الرضا صفه صعبه تعلمها للطفل

و علشان الطفل يكون راضي ، محتاج يفهم و يقدر قيمة الحاجه و كمان يحس إنه مش ناقصه حاجه . و دا هيحصل لما الطفل يكون متعود على التجربه ، يعني يجرب و يعرف نتيجة التجربه و الأهم يعرف تكلفة التجربه . و المهم كمان يعرف إحساس التجربه . هيفضل الطفل يجرب لحد ما يعرف شعور إسمه الكفايه . الكفايه لأنه عنده زيها أو جربها قبل كدا أو مش محتاجها دلوقتي

بس الكفايه لازم تكون محكومه شوية علشان متتحولش لطمع . هنحكمها إزاي ، بالفلوس ، ازاي يعني . يعني الطفل هيختار الي هو عاوزه و يجرب بس في حدود ميزانيه معينه ، ميزانيته ، فلوسه ، تحويشته . يعني لو معاه كثير ، من حقه يختار و يجرب كثير ، على قده ، و لو مش معاه غير قليل ، برضه يختار و يجرب ، برضه على قده . او يحوش و يكبر فلوسه . بس الواحد ياخد باله لحسن الطفل يتحول من الرضا للحرص او البخل ، و دا موضوع تاني

الفكره هنا ان الأولاد من ناحيه بيتعلموا قيمة الفلوس و من الناحيه التانيه بيتعلموا تكلفة التجربه . و مع الوقت هتلاقيهم بيحسبوها ، يعني أجيب إمتى و أجرب بكام . و الرضا بينبع من هنا