سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #الإنجازات_والتقدير #الشكر_والتقدير
من أكتر اللحظات اللي عمري ما هنساها، كانت يوم ما مديي قرر يشكرني أمام كل الزملاء. كنت شغال على مهمة استمرت لأسابيع، وكنت مركز جدًا إني أطلع أحسن نتيجة ممكنة. في اليوم اللي عرضنا فيه النتائج، المدير وقف وقال: "النجاح اللي شايفينه النهارده ما كانش هيحصل لولا المجهود الكبير اللي زميلنا بذله."
الكلمات دي حسستني بفخر كبير جدًا. مش بس عشان التقدير كان أمام الكل، لكن كمان عشانها كانت لحظة غطت على ساعات طويلة قضيتها بشتغل علشان أحقق الهدف. شكر المدير ما كانش مجرد كلمات، ده كان دفعة قوية تخليني أتحمس أكتر وأشتغل بحماس أكبر.
الموقف ده علمني قد إيه الشكر العلني بيكون له تأثير إيجابي كبير، مش بس على الشخص اللي بيتشكر، لكن كمان على روح الفريق كله. حسيت إن مجهودي متقدر، وإن شغلي مش بيعدي مرور الكرام.
هتلاقي كل مقالات السلسلة في صفحتي في لينكدان
https://www.linkedin.com/in/amr-elnashar/
و في صفحتي في الفيسبوك بقيت التجارب و المقالات
https://www.facebook.com/amr.adel.elnashar
و جميع المقالات في البلوج الشخصي
https://amradelelnashar.blogspot.com/
ليست هناك تعليقات:
إرسال تعليق