سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #الإنجازات_والتقدير #الجوائز_والترقيات
في البداية، كنت فاكر إن النجاح معناه تحقيق إنجازات ضخمة. لكن مع الوقت، فهمت إن الإنجازات الصغيرة هي اللي بتبني الطريق لأي نجاح كبير. الاعتراف بيها مش رفاهية، ده شيء ضروري عشان نستمر في التطور والتقدم.
لما المدير كان ييجي يقول لي كلمة بسيطة زي "شغلك النهارده كان ممتاز" أو "كويس إنك خلصت المشروع في الوقت المناسب"، كنت بحس بدفعة معنوية رهيبة. الحاجات الصغيرة دي بتخليك عارف إن تعبك ملاحظ ومقدّر، حتى لو ما كانش إنجازك حاجة كبيرة.
كمان الإنجازات الصغيرة بتكون زي علامات على الطريق، بتقولك إنك ماشي صح. لما تلاحظ نفسك بتنجح في حاجات بسيطة، زي التعامل مع عميل صعب أو إنك تلاقي حل لمشكلة صغيرة، ده بيزود ثقتك بنفسك وبيشجعك على إنك تبذل مجهود أكتر.
الاعتراف بالإنجازات دي مش بس دور المدير، ده كمان مسؤوليتنا كموظفين و زملاء إننا نقدّر نفسنا. إنك تاخد دقيقة تحتفل بإنجازك، حتى لو بسيط، بيخليك تحس بقيمة مجهودك ويديك طاقة لمواجهة التحديات اللي جاية.
هتلاقي كل مقالات السلسلة في صفحتي في لينكدان
https://www.linkedin.com/in/amr-elnashar/
و في صفحتي في الفيسبوك بقيت التجارب و المقالات
https://www.facebook.com/amr.adel.elnashar
و جميع المقالات في البلوج الشخصي
https://amradelelnashar.blogspot.com/
ليست هناك تعليقات:
إرسال تعليق