سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #الإنجازات_والتقدير #الشكر_والتقدير
كنت فاكر دايمًا إن الشغل بيتكلم عن نفسه، لكن لما ييجي التقدير من عميل، الموضوع بيبقى ليه طعم مختلف تمامًا. في مرة كنت بتعامل مع عميل كبير في مشروع، والمهمة كانت معقدة، وطلباته كانت دقيقة جدًا. حاولت أكون في أقصى درجات التركيز والاهتمام بالتفاصيل عشان أطلع شغل يليق باسمه واسم الشركة.
بعد ما سلمت الشغل، استقبلت مكالمة من العميل نفسه، وكان بيتكلم بحماس كبير وبيقول: "أنا عايز أشكرك على مجهودك، الشغل طلع أكتر من ممتاز." الكلمات البسيطة دي كان ليها وقع قوي عليا. حسيت إن كل تعب السهر والمجهود ما راحش على الفاضي.
الأجمل إن العميل كتب إيميل شكر كمان وأرسله للإدارة، وده خلى التقدير يوصل لكل الفريق. الموقف ده خلاني أدرك قد إيه كلمة شكر من عميل مش بس بتأثر عليك شخصيًا، لكنها كمان بتعزز ثقة الإدارة فيك وبتديلك طاقة إيجابية تخليك مستعد لأي تحدي جديد.
هتلاقي كل مقالات السلسلة في صفحتي في لينكدان
https://www.linkedin.com/in/amr-elnashar/
و في صفحتي في الفيسبوك بقيت التجارب و المقالات
https://www.facebook.com/amr.adel.elnashar
و جميع المقالات في البلوج الشخصي
https://amradelelnashar.blogspot.com/
ليست هناك تعليقات:
إرسال تعليق