سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #الإنجازات_والتقدير #الجوائز_والترقيات
فاكر اللحظة دي كأنها امبارح، أول ترقية في شغلي كانت بالنسبة لي نقطة فاصلة. كنت لسه في بداية الطريق، شغال على قد ما أقدر وبحاول أتعلم كل حاجة ممكن تفيدني. ما كنتش متخيل إن مجهودي هيتلاحظ بالسرعة دي، وده اللي خلى الإحساس بالترقية مميز أكتر.
يوم ما المدير قالي: "مبروك، شغلك بقى له مردود وده مكانك الجديد"، كنت مش مصدق. لحظة صغيرة لكنها حطت جوايا شعور بالفخر، وكمان حمل من المسؤولية. السؤال اللي دار في دماغي ساعتها كان: "هل أنا قد الثقة دي؟"
الترقية بالنسبالي كانت أكتر من مجرد زيادة في اللقب أو المرتب. كانت علامة إن تعبي مش بيروح هدر، وإن الشغل اللي أخلصت فيه جاب نتيجته.
من اللحظة دي، فهمت إن أي خطوة للأمام لازم وراها شغل وتعب وصبر. وإن النجاح عمره ما بيجي مرة واحدة، هو عبارة عن خطوات صغيرة بتحطها كل يوم لحد ما توصل.
هتلاقي كل مقالات السلسلة في صفحتي في لينكدان
https://www.linkedin.com/in/amr-elnashar/
و في صفحتي في الفيسبوك بقيت التجارب و المقالات
https://www.facebook.com/amr.adel.elnashar
و جميع المقالات في البلوج الشخصي
https://amradelelnashar.blogspot.com/
ليست هناك تعليقات:
إرسال تعليق