غلاف بلا خلاف

#الزواج_السليم_الزواج_السعيد 

الزواج مش مجرد فرح وشبكة وفستان أبيض وكوشة.. ده رحلة طويلة بتبدأ من لحظة القبول بين شخصين وبتكمل بمواقف وأيام وسنين، فيها الحلو وفيها المر. الناس بتختلف في نظرتها للزواج، فيه اللي شايفه استقرار، وفيه اللي شايفه مسئولية، وفيه اللي شايفه مغامرة.. بس في النهاية هو ميثاق بين اتنين، مش مجرد ورقة عند المأذون.

أهم حاجة في الجواز إنه يكون  بلا خلافم ش بمعنى إنه مفيش اختلافات، بالعكس، أي اتنين طبيعي يختلفوا، لكن الأهم إزاي بيتعاملوا مع الاختلاف ده. الحب مش كفاية لوحده، لازم يبقى فيه تفاهم، احترام، وصبر. الجواز الناجح مش اللي مفيهوش مشاكل، لكن اللي فيه طرفين بيعرفوا يحلوا مشاكلهم مع بعض من غير ما يهدوا البيت على دماغهم.

فيه ناس بتتجوز وهي فاكرة إن شريك الحياة نسخة طبق الأصل منها، وده غلط. الجواز مش إنه يبقى عندنا نفس الطبع والتفكير، لكن إننا نعرف نتعايش ونتكامل. يعني لو واحد عصبي، التاني يكون صبور.. لو واحد بيفكر بعقلانية، التاني يكون عاطفي شوية.. كأنهم بيكملوا صورة بعض.

البيوت مش بتتبني على الحب لوحده، ولا على الفلوس، ولا على الشهادات.. البيوت بتتبني على الاحترام والتقدير والصبر. الجمال بيروح، الفلوس بتيجي وتروح، والمشاعر نفسها بتتقلب.. بس اللي بيفضل هو العِشرة الطيبة. عشان كده، لو عايز زواج ناجح، لازم تختار حد ينفع يكون صديق قبل ما يكون زوج أو زوجة، حد تقدر تعيش معاه الحياة بأيامها السهلة والصعبة.

الجواز مش نهاية المشوار، ده بداية لقصة طويلة، غلافها بيبدأ وقت ما يشوفو بعض.