سلسلة مقالات: لما كنت موظف، ولما بقيت مدير، و لما بقيت صاحب شغل
#لما_كنت_موظف #الحياة_المهنية #البدايات_الوظيفية
وأنا في بداية شغلي، كنت فاكر إن اللي اتعلمته في الكلية أو الكورسات اللي خدتها قبل الشغل كفاية. بس مع أول تحدي جديد في الشغل، اكتشفت إن التعليم المستمر هو مفتاح النجاح الحقيقي.
في يوم المدير طلب مني أعمل حاجة ما كنتش عارفها، حسيت بتوتر، بس قلت لنفسي: "ده وقت التعلم." بدأت أدور وأقرأ وأتفرج على فيديوهات، وأسأل زمايلي اللي عندهم خبرة. بعد ما خلصت المهمة، حسيت إن كل حاجة تعلمتها في اللحظة دي فتحت قدامي أبواب جديدة. و منهم باب كان هو الحل الوحيد ليا لما اتحطيت في موقف كبير خلاني اتخلى عن معظم خبراتي و أبدأ من جديد.
الشغل مش بيقف عند اللي عرفناه في الأول. الدنيا بتتغير بسرعة، والتكنولوجيا بتتقدم، والأساليب بتتطور. لو ما كملناش تعليمنا وتطوير نفسنا، هنلاقي نفسنا واقفين مكانّا، والدنيا سبقتنا.
التعليم المستمر مش شرط يكون دراسة رسمية، ممكن يكون قراءة مقال، حضور ورشة عمل، أو حتى تبادل خبرات مع زمايلك. المهم إنك دايمًا عندك شغف تعرف أكتر وتطور من نفسك.
التعليم المستمر هو اللي بيثبت أقدامك في أي شغلانة وبيخليك دايمًا مستعد لأي تحدي جديد.
هتلاقي كل مقالات السلسلة في صفحتي في لينكدان
https://www.linkedin.com/in/amr-elnashar/
و في صفحتي في الفيسبوك بقيت التجارب و المقالات
https://www.facebook.com/amr.adel.elnashar
و جميع المقالات في البلوج الشخصي
https://amradelelnashar.blogspot.com/
ليست هناك تعليقات:
إرسال تعليق