علشان تفهميه :
١- لما يحب يحكيلك حاجه إسمعيها و إتكلمي معاه فيها، متنسيهاش ولا تطنشيهاش ... هيحلف ما هو مشاركك تاني
٢- بلاش حكاوي المغامرات الغريبه زي لبس الشراب بالمقلوب و صحابك لما زقوكي و لزقوكي في الحيطة ... أنت كدا هبله أو بتستهبلي
٣- تراعي شعوره لما يسألك على التجارب القديمة ... لو لاوعتي هيقرفك
٤- مشاكل باباكي و مامتك تفضل بين باباكي و مامتك ... لو خرجت من بينهم هتلاقيها على كل لسان ... الرجالة لتاتة
٥- خليكي زي فتاة إعلان كوكاكولا زيرو ، كل موقف و له شخصيته ... كدا هيقول ست جديده كل يوم
٦- بلاش تتكلمي بإيدك و حواجبك و تعوجي شفايفك ... هيقول عليكي بيئة
٧- دائما خلي مسافة أمان بينكم ... الرجالة بتسرح جامد
٨- متعزميش في أول خروجه ... هيمسك فيها و يا يزعل منك يا يكررها و يختبرك
٩- خليه يختار العزومه الأولى علشان تكون حسب إمكانياته و بلاش تستغلي ... مش هينساها أبدا
١٠- لو حسيتي بأي إهانة إزعلي و خدي موقف ... و إعرفي أنه قاصد يهينك أو يطفشك
علشان تفهمها:
١- معظم البنات مش بتفهم في كرة القدم و مش بتحب تتكلم فيها ... شوف حاجه تخليها تتكلم معاك فيها
٢- البنات بتحب الولد إللي بيفكر في بكرا و يوريها إنها معاه هتعيش الجديد ... إبهرها من غير تكليف و لا كذب
٣- لو بتأخذ فلوس من أبوك أو أمك متخليهاش تشوف أبدا لأنها هتذلك ... و إنت مش ناقص كفاياك ذل
٤- إشتغل يا ماو و إعمل إللي عليك بالحلال و هي هترضى و ربنا هيكرمكم مع بعض
٥- أمك بتفهم في البنات ... خد رأيها و إعرف وجهة نظرها ... هتطلع صح في النهاية
٦- أوعى تديها وعد بالفلوس و تخلفه ... لأنها لو مجتش هتلاقي سيرتك بقت لبانه كل واحده تلوك فيها شوية
٧- البنات بتحب الرجل إللي بيعرف يسلي نفسه ... إتعلم خدع سحرية ... هتتبهر و عيونها هتبرق... صدقني
٨- أوعى تكون قرد ... النصيحة ده ملهاش بديل
٩- خليك مبهج في كلامك و إتعلم تهون المشاكل و بلاش تكون شكاي ... إنت مش ولية
١٠- بلاش تكون قماص و خصامك طويل و زعلك غبي ... هتزهق منك و ترميك
ليست هناك تعليقات:
إرسال تعليق