١٤٠ نصيحة علشان تفهمي الراجل
١٤٠ نصيحة علشان تفهم الست
#الزواج_السليم_الزواج_السعيد
علشان تفهميه :
١- لو إتمنظر عليكي ، متغلبيهوش ... دا غلبان و الغربال الجديد له شده
٢- متقوليش معلومة مش مطلوبه و بلاش لت و عجن ... هيزهقك أو هيسألك و يستغلك
٣- إسمعيه و تفاعلي معاه و بلاش تكوني مراية لإنفعالاته ... مش هيوشفك بعد كدا
٤- لو إتشغل و مسألش عليكي ، إسألي إنت عليه ... هيعرف أنه غالي عندك ، التقل هنا غباء
٥- بلاش تعيشي دور المفتش كورومبو و تدوري وراه ... هيكتشف و هيلعب بدماغك
٦- بصي عليه كأنه عنتر إبن شداد و إسنديه لو إحتاج لسند و بلاش فكرة عشرين ناقة حمرا ... هيتوه في الصحراء و مش هيرجع
٧- خلي توقعاتك على أدك أنت و متعليش أوي لحسن تقعي ... الرجالة كائنات كسلانه ممكن تنام في أي مكان
٨- خلي قعدتك مريحة من غير دلع ماسخ و لا كلام يخبطه في الحيطه
٩- بلاش أسلوب أنا جايلي عريس هيتقدملي ... هياخدها على كرامته و يزعل و إعرفي إن مفيش راجل بيتنافس مع راجل إلا لو متفقين
١٠- إعرفي مواعيده من غير ما تستغليها لصالحك ... لو عرف هيعاملك بملاوعه و هتغرقي معاه
علشان تفهمها:
١- في بنات عندها إعتقاد أن الرجل الأصلع أكثر رجولة فلو هي كدا، إحلقلها
٢- بلاش تلعب دور بونبوني القاعدة ، البنات بتحب تضحك مع الراجل مش تضحك عليه
٣- الست كائن حر لو حبستها هتلاقي الوحش طلع... خليها حرة و زود ثقتك فيها إنت واخد بنت ناس برضه و متربية
٤- الست إنسان و له رغبات ... يا تحققها بنفسك يا تسيبها تحققهم لنفسها ... خليك راجل محترم
٥- تشاركها الحياة و تشركها فيها ... كدا هتحب وجودك و مش هتستغل جيبك
٦- الكذب و الملاوعة هتخلي الست تفكر و متنمش ... و الست لو منامتش هتتجنن و الجنان هيطلع عليك انت
٧- الست صوتها عالي زيك بالبظبط و بتشتم زيك بالظبط و ممكن كمان *** زيك بالظبط ... خد بالك و متزعلش
٨- معظم البنات كائنات بتحب العاطفة و مفتاحها الكلمة الحلوة و قلبها مربوط بودانها ... إبقى دلعها و إبتسم لما تشوفها
٩- إعرف إستايلها في الكلام الحلو و إختار كلمات هي بتحبها لحسن تفتكرك بتتريق عليها
١٠- البنات بتحب الروايات و الحكايات و بتتشد للولد إللي زيها ... إبدأ من دلوقتي و خليك حوت روايات
ليست هناك تعليقات:
إرسال تعليق