الناس إلي شغاله في الزرع فترة طويلة بيقدروا يشخصوا أعراضه بمجرد النظر. عندهم الخبره و العلم إللي بيخليهم يحسوا به و يعرفوا أسبابه.
الناس إللي عندها زرع ممكن يضحوا بحياتهم مش بفلوسهم بس علشان زرعهم يفضل عايش و ميحصلهوش حاجه . مش بس علشان دا مصدر رزقهم ، كمان علشان بيحصل روابط عجيبة بين حياتهم و أرضكدهم و زرعهم .
و لازم تكون عارف أن الأعراض الظاهره في الزرع بتكون أعراض مرضية حقيقية مش مصطنعه - أصل الزرع مش بيعرف يكذب - فتأخذها بجدية و إهتمام من الأول .
بس تحط في إعتبارك تداخل الأعراض المرضية الداخلية مع العوامل الخارجيه زي مشاكل نقص الماء أو زيادتها، و تقلبات درجة الحرارة و عمر الزرعه و مستوى الهرمونات داخلها، و كمان مكان الزرعه. و لازم تكون عارف الزرع و المزارع الموجوده حولك لمنع إنتقال مسببات الأمراض .
يبقى المهم أن تكون بتفهم لغة الزرع و بتعرف تتواصل معاه علشان تحافظ على حياته زي ما هو بيحافظ على حياتك.
ليست هناك تعليقات:
إرسال تعليق