١٤٠ نصيحة علشان تفهمي الراجل
١٤٠ نصيحة علشان تفهم الست
الجزء رقم ٢
علشان تفهميه :
١- إبعدي عن المنظرة سواء بالفلوس أو الشهرة أو العلاقات أو الشهادات ... شكلك هيبقى وحش في الآخر
٢- بلاش تتكلمي في الأبراج ... الرجالة الحقيقية مش بتصدق في الطالع و النازل
٤- خلي أحكامك النفسية و بارانوياتك جواكي و أوعي تخرجيها عليه ... هيقول عليكي مجنونه و هيجري
٥- بصي و ركزي في مميزات شخصيته ، و إتكي عليها كل شوية ... مقامك هيرتفع في دماغه و هيكون الكلام معاكي من الملذات
٦- متسأليش كثير و خلي عندك شوية لامبالاه ، حتى لو هتفطسي ... على الهادي يا زبادي و خليه براحته هيجي لوحده
٧- كلمة شكرا و لو سمحت معناها إن عندك ذوق و بلاش إتفلق و وريني عرض كتافك ... لأنه هيتفلق و هيوركي عرض كتافه
٨- متخليهوش يمد إيده عليكي و لا إنت تمدي إيدك عليه ... كدا هيبقى فيه تهزيق أو تمزيق و الإثنين إنت مش قدهم
٩- تعاملي على طبيعتك و من غير تمثيل ... الأدوار بتتفضح
١٠- خليكي واثقة في نفسك بس بلاش كلمة طز فيك ... لأنها بتجرح و هو طائر جارح و مش هيقبل يتجرح
علشان تفهمها:
١- الإستحمام مهم للرجل و مزيل العرق أساسي في حياتك ... لو شمت عرقك هتفطس منك
٢- الست بتحب البرفيوم الرجالي جدا ، حط برفيوم ... و لو هي بتحب الخمس خمسات يبقى ربنا معاك و معانا
٣- بلاش فكرة الديرتي لوك علشان هتبقى ديرتي في عيونها
٤- مصمصة السنان مقرفه و صوتها مزعج جدا ... متقرفهاش منك
٥- البنات بتمر بدورة هرمونية كل شهر فحاسة الشم عندها بتزيد ... بتزيد لدرجة أنها هتشم شرابك إللي جوا جزمتك ، خد بالك
٦- البنات بتلاحظ الرجل من مناخيرها و بتعرف الزوج المناسب من رائحة شخصيته ... إهتم برائحة شخصيتك و متخليش الكلام عنك يكون رائحته زبالة
٧- لو شعرك فيه قشرة يبقى عليك بكريم فطريات ... أسوء لوك إنك تبقى الرجل الغامض إللي مليان قشرة
٨- سنانك مرايتك و فمك عنوانك ، مش لازم البنت تعرف إنك واكل بصل و خلي بالك لأنها هتأخذ بالها
٩- مفيش أي مانع في الحياة إنك تكون بتغسل إيدك و بتقص أظافرك . أنت إنسان يا مان و النظافه من الإيمان
١٠- لو عندك مشكلة و بتفتف في كلامك ، إبقى إعمل حسابك و خد مسافة أمان
ليست هناك تعليقات:
إرسال تعليق