١٤٠ نصيحة علشان تفهمي الراجل
١٤٠ نصيحة علشان تفهم الست
الجزء رقم ١
علشان تفهميه :
١- حبي نفسك الأول ، لما تحبي نفسك هتخليها أحسن و أجمل و أذكى و أجدع ... هو كدا هيحبك
٢- بصي في المراية كل يوم ، لو عجبك إللي هتشوفيه ، هيعجبه هو كمان إللي هيشوفه
٣- سايري الدنيا و إقرأي الأخبار اليومية و تابعي الأحداث و إعرفي عن كل حاجها - حتى لو رياضة - المعرفة سلاح فالأحسن تستخدميه
٤- متكونيش أنتيكة في نفسك و غيري من شكلك كل شوية بدون برود و لا جنون و لوني ما هي الألوان جميلة خليكي بهية
٥- لازم تكوني فاهمة إن الأنوثه عبارة عن شكل و كلام و شوية سحر ... الأحسن تتقنيهم
٦- الإهتمام برائحتك و نظافتك علشان محدش يجري منك ، خفيف خفيف و من غير سد مناخير
٧- العيون مش أي نظرة و السلام ، دي لغة ... إتعلميها هتفرق جدا
٨- سمعتك رأس مالك ، متولعيش فيها و لا تصرفي منها
٩- دوري عليه عند إهتماماتك أنت الشخصية ... و متغلسيش عليه فتخنقيه
١٠- التقدير المعنوي مهم لأن الراجل بيحب التفخيم ... أنفخيه بالراحة و حافظي عليه ليفرقع منك
علشان تفهمها:
١- خليك رجل و إعرف أن الرجولة مش معناها ذكورة ... المعادلة مختلفه يا مان
٢- الست مش هتشوفك بعينها يا جميل ... يعني جمالك خليه لمرايتك ، الرجل الوسيم ملهوش فوله تكمله
٣- لو إشتريت الست هتشيلك جوا عيونها و على رأي المثل البياض أحلى و لا السمار أحلى ، قلت إللي شاريني جوا العيون يحلى
٤- ثق في نفسك يا معلم و حب نفسك ، إنت معلم و هتفضل طول عمرك معلم
٥- سمعتك و قميصك رأس مالك ... يعني إهتم بهم و خليك معاصر و بلاش تقفل زرار الياقه إنت مش عبد الحليم
٦- سرح شعرك و لو إتنكش سرحه تاني ... إنت مش قرد ، يا تسرحه يا تحلقه
٧- أوعى البنات تشوف بوكسرك ، دي حاجه مش كول ... دي حاجه تقرف
٨- شكل الرجل يبدأ من الأسفل ... البنات بتحب الراجل إللي بيعرف يلبس جزم
٩- الرجل لو إحترم كرشه هيجبر البنت تحترمه و لو هنته أدامها هتهينهولك
١٠- خليك عارف إن مفيش علاقة بين الرجولة و الألوان ... البنات بتحب الألوان ، إلبس ألوان و خلي شكلك جميل
ليست هناك تعليقات:
إرسال تعليق