بطبيعة الحال الإنسان كائن يعتمد على حواسه للتعامل و الإكتفاء . و بطبيعة الحال كل واحد فينا محتاح حد يتكلم معاه و في نفس الوقت يسمعه - مش مجرد أتكلم وخلاص بدون رد فعل - يعني يسمع بقول إيه و بقوله إزاي و المعنى إلى عاوز أوصله .
و حقيقي من أصعب الحواس إللي ممكن الواحد يتحكم فيها هي السمع ، طبعا محدش بيقدر يقفل ودانه بس ممكن أقفل عقلي ، أسمع و في نفس الوقت مش بسمع و كمان أديلك إنطباع إني بسمع بإنصات .
هنا الواحد بيشوف من أكثر واحد ممكن ينصت لكلامه و يعطي رد فعل حقيقي لكلامه فيتقرب منه جدا لدرجة أن أوقات كثيره أن شخصيات الأصدقاء بتكون متشابهة ، أصل إحنا مش هنتكلم دقيقة ، دا إحنا هنتكلم من بالليل للصبح .
الفكرة هنا أنه كلما كان الزوجان أصدقاء و يقدروا ينصتوا لبعض كلما كانوا متقاربين . و كلما كانت الثقة متبادلة بينهم كبيره و عميقه كلما إستطاعوا أن يفصحوا عن كامل مكنوناتهم لبعض و مش هيكتموا حاجه . و مع الوقت هتكون الحياة فيها حرية ، و سهلة ، و من غير خوف .
ليست هناك تعليقات:
إرسال تعليق