في جسم الإنسان تقريبا موجود حوالي ٢٥ ألف جين في الجينوم كله. كل واحد منهم مسؤول عن حاجه واحده و بيتفاعلوا مع بعض بطريقه منظمه جدا حسب المكان و الزمان و المؤثرات
لحد دلوقتي إتحدد تقريبا ٣٥٠ منهم على الأقل كجينات سرطانية محتمله. و طبعا وفق بعض التغيرات ممكن يرتفع العدد للألاف و كمان عشرات الألاف من الجينات
و بما أن كل مرض بيكون له توقيعه الجيني الخاص به، فكل نوع من السرطان بيكون له توقيعه الجيني الخاص به جدا جدا. يعني كدا هل السرطان مرض واحد ولا مئات الأمراض ولا حتى عشرات ألاف من الأمراض
زمان كان بيتم تصنيف السرطانات على أنها حميدة أو خبيثة، هرمونية أو غير هرمونيه، حادة أو مزمنه. بس دلوقتي بقت التصنيفات معقدة أكثر و بقت على حسب الجينات السرطانيه و التوليفات المختلفه. و كان سرطان الدم بس مثلا نوعين و مع الوقت بقى عشر أنواع و دلوقتي بيوصل لأقل قليلا من مئة نوع و في المستقبل هيوصل لألف نوع
الفكره هنا ان كلما تعلمنا أكثر و تعمقنا أكثر في عالم السرطان، كلما إكتشفناه أكثر، و عرفتا أننا لا نتعامل مع مرض واحد بشكل واحد كبقية الأمراض و لكننا نتعامل مع مرض عنده القدره على إنشاء عشرات و مئات و حتى ألاف الأنواع منه، تكون موجوده داخل السرطان نفسه. و لعلاجه علينا أن نعالج جميع هذه الأنواع في نفس الوقت
و يبقى الأمل
ليست هناك تعليقات:
إرسال تعليق