الزرع كائن مسالم جدا، لا يدخل في أي نزاع ولا صدام سواء مع بعضه و لا مع البيئة المحيطه به. فلو البيئة مناسبة لنموه سينمو بقوة و لو غير مناسبه فيصعب عليه التكيف، يذبل و يموت في هدوء
المواد الأساسية إللي النبات بيحتاجها بكمية كبيره هي الفوسفور و البوتاسيوم و النيتروجين و الحديد و الكالسيوم و الكبريت و الماغنسيوم . و في مواد تعتبر ثانوية زي البورون و النحاس و المنجنيز و الملبيديوم و الكلورين و الزنك
طبعا لو حصل نقص أو زيادة في واحده من المواد الأساسية أو الثانوية يبان على الزرع علطول و تعرف تحدد بمجرد النظر المشكله فين يعني مثلا تلاقي لون الورق تحول إلى الأصفر أو البني أو حتى الأحمر، الساق مش طويلة كفاية و العروق في الورق تغير لونها أو سمكها أو الورق بينشف من الأطراف أو يسود لونه من عند الجوانب
و بمعلومه واحده بس تقدر تستنتج أنه عنصر هو اللي النبات محتاجه فمثلا لو المشكله موجوده في ورقه عمرها كبير تبدأ تفكر في عناصر زي النيتروجين و الفوسفور و البوتاسيوم و لو المشكله في الأوراق الحديثة تفكر في الحديد و الكالسيوم و المنجنيز و الكبريت
إحتياجات الزرع بسيطة جدا و إكتساب الخبره معه سهله و متراكمه في جميع الأنواع، فالفسيولوجية واحده و التركيب تقريبا متشابه
الفكره هنا ان قدرة الزرع على الشكوى عن طريق تغير الألوان تعتبر من القدرات السحرية له، و بشوية معلومات بسيطة تقدر تفهمه و تلحقه
ليست هناك تعليقات:
إرسال تعليق