بنت في منتصف العشرينات بعد ما خلصت جامعة فكرت تفتح بيزنس. فكرت كتير تعمل إيه و بعد مناقشات و أسئلة و إجابات و بعد سؤال الخبيرات إتفقت مع أبوها و أمها على بيزنس
البزنس عبارة عن جوازة، توقع شاب من عائلة مقتدرة بعيونها المتكحلة و رشاقتها الملفوفه. و لما يدخل البيت من بابه يوافقوا على شروطه بس يزودوا المؤخر شوية و يتقوا الدهب شويتين. أصل هو دا المهم. ما هو دا رأس مال المشروع
إتخطبوا و طبعا شوقت و أوقات قليلة جدا دوقت. وكله تحت عيون و أسماع بابا حبيبي و ماما حبيبتي. ما هو بيزنس و البزنس مفيهوش حياء
و راحوا إشتروا العفش حبة عليه و حبة عليها ما هو دا الإتفاق. و فرشوا الشقه و علوا الكتاب و عملوا الفرح
الأسبوع الأول أصلي مكسوفه و التاني أصلي تعبانه و الثالث أصلي مخنوقه و الرابع عملت خناقه و كبرت الموضوع و عملت فضيحه و راحت لبيت أبوها، أو شريكها في البزنس
و رفعت قضية تمكين و تبديد و طلاق للضرر و خدت العفش و المؤخر و خدت كمان معاها المتعة. عملت فلوس حلوه تبدأ بيها من تاني. بس المره ده من شاب تاني و بيزنس من جديد. اصلها غلبانه و الراجل طلع مش راجل
ليست هناك تعليقات:
إرسال تعليق