الأمانة خلق مكتسب ، بيتربى الطفل عليه من صغره . بيتربى على رعاية حقوق ربنا و رعاية حقوق الناس و كمان حقوق نفسه
من الأول و من صغره يبدأ يتعلم الأمانه في أداء التكاليف الربانيه زي وحدانية الله و أداء الصلاة و الصوم بالطريقة زي ما ربنا أمرنا بها بدون زيادة أو نقصان . و يتعلم معاها أمانة الحفاظ على بيته و أخواته و جيرانه و أمانة المجالس و نقل الكلام . و الأمانة المرتبطة بالأموال زي أمانة البيوع و الديون و الودائع و الوصايا
رسالة رسولنا عليه الصلاة والسلام [أد الأمانة لمن ائتمنك و لا تخن من خانك] لازم تكون هي محور رئيسي من حياتهم و محور في تربيتهم
الفكرة هنا إن الطفل علشان يتربى على صفة صعبة كدا زي الأمانه هيكون محتاج إرادة قوية لأن الأمانة مشقه و متعبة و محتاجه صبر . و المهم إنه يلاقي قدوة أمينه حوله تساعده و تدعمه و يصدق فيها المعنى الكامل للأمانه . و الأهم من كل دا يكون عنده رفقه من نفس عمره علشان يعلموا بعض و يفكروا بعض و يسندوا بعض
لأن الطفل لو فقد إرادته أو حصل و فقد الثقه في قدوته و ملقاش حد يسنده و يشجعه من نفس عمره هيتحول الموضوع معاه إلى صراع فكري و ديني و هيتشكل في النهاية طفل نصف أمين
ليست هناك تعليقات:
إرسال تعليق