دائما بسأل نفسي هو ممكن أب و أم يقتلوا أولادهم . يعني زمان كنا بنسمع عن الوأد، بس الأيام ده إكتشفت إنه أيوا ممكن الأب يقتل بنته و يقتل إبنه و يقتل الأسرة كلها كمان . القتل هنا مش إهدار للحياة و لكن إهدار لسبب الحياة
يعني جوا البيت تلاقي الأب و الأم منفصلين ، باعدين عن بعض ، كل واحد منهم بيؤدي دوره و هو كارهه و كاره للتاني . الأب بيربي أولاده على الكذب و الخيانة و الأم بتربيهم على الخبث و الإنتقام . هم كدا بيربوهم على الكره ، كره نفسهم أولا و كره أبوهم و أمهم و كره بيتهم و كره عيشتهم و كره مجتمعهم
الأولاد إلي إتربتوا على الكره و الكراهية مش هيطلعوا ملائكة و لا هيعرفوا يعيشوا عيشه سوية . الأولاد دول إتقتلو و هما لسه عايشين و بقوا أموات في عيون أنفسهم و لما يكبرو هتكون بيوتهم زيهم مقتوله
ليست هناك تعليقات:
إرسال تعليق