في تجربة نفسانيه بسيطه ممكن أي حد يعملها في بيته و هي انه يجيب كوب ماء مثلج و كوب ماء عادي و كوب ماء ساخن. و يحط اليد اليمين في كوب الماء المثلج و اليد اليسار في كوب الماء الساخن. ثم يحط اليدين مع بعض في كوب الماء العادي
هتحس في اليد اليمين المثلجه بان كوب الماء العادي ساخن و هتحس في اليد اليسار الساخنه ان كوب الماء العادي بارد
و إللي حصل إعتمد على مبدأ الشعور بالتضاد أو الشعور بعكس الحقيقة و دا حصل نتيجة المرور بتجربه نتج عنها شعور معين ثم مررت بنفس التجربه مرة تانيه في نفس الوقت فعقلك هيرفض إدراك نفس الإحساس و هيلجأ إلى إدراك الإحساس المضاد. وهو دا الغريب في المبدأ
و عند تطبيق نفس المبدأ في حياتنا هنلاقي نفسنا بنأخذ قرارات نتيجة كلام و في نفس الوقت نغير رأينا و نقرر عكسها لو نفس الكلام إتكرر . و كمان المبدأ يعتمد على أننا بنكبر الإحساس دا جوانا علشان نصدقه حتى لو غير حقيقي
في ناس بقى متخصصه في إستخدام نفس المبدأ في عمليات البيع. يعني مثلا لو دخلت محل علشان تشتري ٣قمصان و جاكيت. تلاقي المحل مترتب بالقمصان الأرخص و بعد كدا البناطيل الأغلى ثم الجواكت الأغلى. لأن الطبيعي إن الواحد قبل ما يخش هيفكر في ثمن الجاكيت الغالي فيلاقي القمصان الأرخص فتفكيره يتعكس و يبدأ يختار القمصان. و لما يجي يروح للجواكيت هيمر على البناطيل الأغلى فيرفض شراءهم نتيجة ثمن البنطلون الغالي و بعد كدا هيختار الجاكيت و هيقارن ثمن ال ٣ قمصان في دماغه بثمن الجاكيت فهيلاقي مفيش فرق كبير فيشتري الجاكيت الغالي إللي تقريبا بنفس سعر ال ٣ قمصان وهو مش واخد باله. وطبعا هتلاقي الأكسيسوريز زي الحزام و الشرابات جنب الكاشير علشان وقت المقارنه هتشتري
ليست هناك تعليقات:
إرسال تعليق