شفرة سرية مكتوبة جوا كل خلايانا . شفرة رباعية بتتكون من أربع حروف بس مش أكثر . ال T وال A و ال C و ال G . بيترتبوا جنب بعض في خط طويل جدا ممكن يوصل لمليون و أكثر كمان .
الجين الواحد بيكون له كود واحد مكتوب بالترتيب ، ولازم بالترتيب ، بيقرأ من ناحية واحدة بس ، حسب مكانه . الشفرة الرباعية بتعمل مع بعض أكواد عددها لا نهائي . الكود متكون من ثلاثة حروف . و إعمل بقى إلي في نفسك .
مثلا كود ATT أو ATA أو TTA أو TAT أو CAT أو GAT . حط كل الأكواد و رتب بكل طريقه بس لازم يكونوا جنب بعض و لازقين في بعض و إكتب السطر كله بقى ، بس خلي بالك هتبدأ منين. هيكون شكله كدا GATCATTATTTAATAATT . الكود كله بيترجم على بعضه علشان يعمل رسالة واحده بتقولها الخليه .
كل كود ثلاثي بيترجم في النهاية لحمض أميني واحد يعني البروتين هيتكون من أحماض أمينية مرصوصة جنب بعضها بالترتيب . و بعد كدا بتتلف و تتعمل رسالة .
شفرات بتتكتب و تقرأ كل يوم و كل لحظه و الغلطه فيها بفورة ، مصيبة كبيره ، يعني لو حرف واحد بس وقع أو إتغير في الكود كله - إللي طوله مليون حرف مثلا - هتلاقي الرسالة كلها إتغيرت . و يطلع بروتين تاني ممكن يكون سرطاني.
الشغل جوا الخلايا بتاعتنا كثير جدا و معقد لأبعد درجة و منظم، و لا يتوقف أبدا. و غير مسموح فيه بالغلط، و لكن إن حدث، فإعلم أن السرطان قادم.
ليست هناك تعليقات:
إرسال تعليق