ساق النبات هو العضو المسؤول مسؤولية كاملة عن دعم النبات لأنه شايل الفروع الجانبية و الأوراق و الأزهار و الثمار. هو المسؤول عن توصيل الماء و المواد العضوية و الغير عضوية من الجذور و كمان توصيل المواد المصنعة داخليا زي الكربوهيدرات و البروتينات و الدهون بين أعضاء النبات.
الساق تتكون من مجموعة من أنابيب التوصيل و تختلف بين أنواع النباتات حسب أعدادها و ترتيبها و كمان سمكها و النسبة بين الخلايا الحية و الميتة الموجوده فيها.
في نوعين من السيقان النباتيه، ساق خشبية و بيكون فيها أوعية من الخلايا التي تموت و تتخشب مع عمر الزرعه، و ساق خضراء غضة غير خشبية و ممتلئه بالعصاره من مادة البكتين و الصمغ و ممكن تكون قابلة للمضغ و الأكل.
الفكره هنا ان كل زرعه بتقدر تطور و تطوع (حسب إحتياجاتها، و ظروفها) شبكة الأوعية الموجوده داخل ساقها الرئيسية و توصلها بشبكة من العروق الموجوده في الأفرع الجانبية، و تحدد نقاط إنتهائها عند الأوراق.
الجميل في موضوع الساق و الفروع إن بيكون فيه طبقه من الخلايا بتكون ممتلئه تماما بالنشا و بتكون وظيفتها هو تحديد إتجاه الجاذبيه الأرضيه و إرسال إشارات لباقي الخلايا لتحديد مكانها و إتجاه نموها.
ليست هناك تعليقات:
إرسال تعليق