البارانويد هو الشخص اللي دايمًا شايف إن الناس بتضطهده، وفي نفس الوقت هو مضطهد لكل اللي حواليه.
الإنسان الطبيعي ممكن يشك أحيانًا أو يسئ الظن، بس لما يلاقي نية كويسة، بيراجع نفسه وبيعترف لو كان غلطان. إنما البارانويد شكه هو محور حياته، ودايمًا شايف الناس حواليه سيئة ومؤذية، ولا ممكن يغير رأيه حتى لو الكل أثبت له إنه غلط. دايمًا على أعصابه، حاسس إن فيه مؤامرة ضده أو عدوان بيستناه.
الناس في نظره في قايمة سودة، عنده شعور دائم بالإضطهاد، بيبعد عن الناس ويصدر مشاعر عدم الراحة والعداوة، وسهل عليه يتحول لشخص مؤذي. عداوته بتظهر في انتقاده اللاذع، وسخريته الجارحة، وطريقته في الاستهزاء المؤلم. الكلام معاه مرهق وضياع للوقت، دايمًا يدور على دوافع خفية ومعاني مخبية في كل كلمة أو موقف، وعنده قدرة غريبة على تفسير الأمور بشكل سوداوي كله سوء ظن.
هو شخص معزول ووحيد، مش بيحس بمشاعر حد معندوش أصحاب. طبيعته باردة وسامة، مبتحسش منه بأي دفء أو مودة. ضحكته صفراء، وعيونه فيها سخرية، ودايمًا بيدافع عن نفسه بأنه عقلاني ومش بيعترف بأي عاطفة. بيشوف نفسه قوي وعنيد، لا بيقرب من حد ولا بيتنازل.
الشخصية البارانويدية بتظهر كتير بين المتعصبين والمطلقين. ولو لسه متجوز (شكلا أمام الناس فقط)، علاقته بشريكه دايمًا متوترة بسبب الشك والغيرة والتقليل منه. ولو عنده أولاد، علاقته بيهم بتكون مليانة عدم ثقة، دايمًا يكذبهم ويتهمهم ويتعامل معاهم بحذر شديد، ودايمًا مخيب للظن.
النتيجة إن الحياة الزوجية أو الأبوية مع الشخصية دي غالبًا بتكون فاشلة؛ مفيش حب بيستمر ولا مودة بتسود.
ليست هناك تعليقات:
إرسال تعليق