من زمان في يوم الجمعه ، بحب جدا اجيب الجرنال و بعد صلاة العصر أقعد مع نفسي و أنفرد في البلكونه مع كباية شاي و أقرأ بريد الأهرام . أنا متباع جيد جدا للحكايات و بستنى و أشوف هيرد و هيقول إيه . طبعا في حاجات كنت بوافق عليها وحاجات كنت بعتبرها ظلم بس مفيش غيرها . ساعات الأيام بتحطنا في مواقف ملهاش غير حل واحد سلمي و حل واحد عنيف و انت و إختيارك
الحلول المقدمه للمشاكل إلي بتحصل في البيوت ، محتاجه حد يكون سليم العقل ، متزن ، أفكاره طيبه . مش لازم يكون دكتور نفساني و لا عالم إجتماعي و لا يكون رجل دين . المهم يكون إنسان متربي على حسن الخلق و على الطيبه و على التوازن
طول عمرنا بنقول أمهات زمان كانوا بيحافظوا على بيوتهم و على أولادهم ، و مكانوش ستات متعلمه بس كانوا متربين في بيوت نظيفه
دائما بتحصل المشاكل نتيجة إختلافات الشخصيات ، بس الحلول دائما بتبقى إختياريه
في الأخر ، الحياة الأسريه هي أفضل مضاد للإنحراف و التطرف و الإدمان
ليست هناك تعليقات:
إرسال تعليق