زمان جه واحد إسمه فاربورغ warburg و قدم فكرة إن السرطان كائن يعتمد في تنفسه على الأكسجين - يعني زي أي كائن حي محتاج الأكسجين علشان يعرف ينتج طاقه يعيش بها - بس برضه قال في نفس الوقت إن السرطان ممكن يستغنى عن الأكسجين لو ملقاهوش و يستخدم السكر بدالة علشان ينتج طاقته.
الفكره هنا و إللي أخذ عليها جائزة نوبل إن السرطان عنده قدرة هائله على التكيف حسب الظروف المحيطه به و قدرته على تخطيها. فجواه برمجه جينيه فيها كل حاجه تتخيلها - بس برضه في مواد ممنوع عنه إنتاجها و بيحتاج للمساعدة من الخلايا المجاوره له. السرطان كائن جبار و ذكي و أدرجي على أعلى مستوى .
جوا المؤسسة السرطانيه ده تلاقي النوعين من الخلايا ، نوع بيستخدم الأكسجين و نوع بيستخدم السكر ، شغالين مع بعض ، هما الإتنين بينتجوا طاقه و بيحصل بينهم توازن بدون تنافس . علشان لو حصل حاجه يعرف يتأقلم عليها بسرعه . و طبعا عِد كل الإحتمالات الممكنة و لكل إحتمال هتلاقي شريحه سرطانية شغاله عليه .
ليست هناك تعليقات:
إرسال تعليق