القناعه هي شعور بالرضا ، الرضا بالموجود ، يعني لو عندي كثير أكون راضي ، و لو عندي قليل برضه أكون راضي . القناعه صفه تقريبا مستحيل الأطفال يتعلموها . دائما تلاقيهم عاوزين ، دائما تلاقيهم محتاجين . و علشان يعرفوا يوصلوا للقناعه ، الأول يتعلموا الرضا و الإقتناع و تقدير القيمه
القناعه لو إتفرضت بتخلي شخصية الأطفال مكسوره ، بتخليهم حاسين بالقهر و الإحتياج . لازم القناعه تيجي بالتدريج ، يعني يتعلموا الأول قيمة الحاجه الي معاهم و يرضوا بها ، و بعدها يتعلموا يتقبلوا فقدها
تعليم القناعه بيبقى محتاج أطفال شبعانين ، شبعانين أكل و شرب و حنيه . الطفل القنوع بتلاقيه طفل هادئ ، عارف يبسط نفسه ، مريح ، و مش طماع . تلاقيه شاطر في المدرسه ، مش مضغوط ، بيعرف يعمل أصحاب و بيعرف يواجه المخاطر
ليست هناك تعليقات:
إرسال تعليق