تعال نتخيل إن السرطان عباره عن قطع من الشطرنج ، الصف الأول عباره عن بيادق زي بعض و شكل بعض و بيمشوا بنفس السرعه و في خط واحد و إتجاه واحد . و الصف التاني بيبقى فيه قطع متنوعه و كل قطعه بيبقى لها طبيعة مختلفه و طريقه حركه مختلفه
في علاج السرطان انت محتاج تموت أكبر عدد من البيادق بأقل كمية من العلاجات ، لأنهم زي بعض . بس خلي بالك لأن لو واحد منهم فلت و قدر يوصل للآخر ، هيتحول لقطعه أقوى و بالتالي هتتغير طبيعتها و حركتها
في علاج السرطان ممكن نستخدم خطه علاجيه هجوميه او خطه دفاعيه او الإثنين . كل خطوه او جرعه لازم تبقى محسوبه و مدروسه . و هنا الخطوه هيكون لها رد فعل من السرطان ، ممكن يهاجم و ممكن يدافع . المهم اني اكون عارف و فاهم او على الأقل متوقع
الفكره بقى انك تعرف توصل للقطع الأقوى في اللعبه و تحاول تموتها ، لأنها بتقدر تتحرك بسرعه و تغير من طبيعة اللعبه و الخطه
ليست هناك تعليقات:
إرسال تعليق