في تربية الأولاد ، الثواب و العقاب ، لازم يكونوا موجودين علشان يحصل توازن في التربيه . يعني لو عمل حاجه صح يكافئ و لو حاجه سيئه يعاقب . و بمعنى تاني لازم يكون في حد بيكافئ و بيعاقب
الفكره هنا إن مساحة العقاب أو الثواب متكبرش عن مساحة التربيه نفسها . لأن التربيه هي خلق نمط من سلوك معين ، النمط دا طبعا دائما يحتمل التعديل
فكرة التربيه في الأساس هي تنمية مساحة للإستقلال عند الأولاد . لو زادت مساحة العقاب فيها ، الأطفال مش هيستقلوا بنفسهم ، و هيكونوا خاضعين . و لو زادت مساحة الثواب ، الأولاد هيكونوا تابعين . و بالتالي يحصل تمرد أو يحصل تخلف
أولادنا هما فكرنا ، و تجاربنا . هما نفسنا و نفسياتنا . هما حاضرنا و مستقبلنا . زي ما هيعيشوا معانا ، هنعيش احنا كمان معاهم
ليست هناك تعليقات:
إرسال تعليق